Yaxın günlərdə Hava Limanı yolu üzərində yerləşən Baku Expo Center ərazisində Bakının ən böyük və ən həyəcanlı əyləncə məkanlarından biri – “Dino Park” fəaliyyətə başlayacaq.

“Dino Park”da ziyarətçiləri real ölçülü, səs çıxaran və hərəkət edən nəhəng dinozavrlar, interaktiv attraksionlar, eləcə də üzərinə minmək mümkün olan xüsusi ride-dinozavrlar gözləyir. Park xüsusilə uşaqlar və ailələr üçün nəzərdə tutulub və əyləncə ilə yanaşı maarifləndirici təcrübə də təqdim edir.

Ərazidə ümumilikdə 20-dən çox hərəkət edən və səs çıxaran dinozavr yer alacaq. Onlardan ən böyüyünün hündürlüyü 9,5 metrdir.

Ziyarətçilər üçün imkanlar

• 5 ədəd böyük şişmə batut

• 3 ədəd dairəvi batut

• Üzərinə minmək mümkün olan və hərəkət edən dinozavrlar

• Qum və oyuncaqlarla oyun zonası

• Ayrı uşaq oyun zonası

• Şəkil çəkmək üçün xüsusi foto zonalar

Pulsuz avtobus xidməti

Ziyarətçilərin rahatlığı üçün “Koroğlu” metro stansiyasından Baku Expo Center-ə və geri pulsuz avtobus xidməti təşkil olunacaq. Avtobusların üzərində “Dino Park” yazısı olacaq.

Bilet qiymətləri

• Böyüklər üçün: 15 AZN

• Uşaqlar üçün: 20 AZN

• 3 yaşadək uşaqlar üçün: pulsuz

• Fiziki qüsurlu şəxslər üçün: pulsuz

Qeyd edək ki, bilet bütün gün üçün keçərlidir və park ərazisində mövcud olan bütün attraksionlar qiymətə daxildir.

Ünvan

Baku Expo Center, Hava Limanı yolu, Bakı şəhəri